| "Skakeringe van Blou" deur FERDI GREYLING [boodskap #15682] |
Wo, 10 Junie 1998 00:00 |
G.B.
Boodskappe: 2174
Geregistreer: Mei 1997
Karma: 0
|
Senior Lid |
|
|
SKAKERINGE VAN BLOU
1
Die see bult blou by Mosselbaai.
In die donker kamer
brand die vlamme van siekte
jou lyf stadig op.
En toe, vroeg een oggend,
was die vuur verby
en was jy stil en soet
omring deur dood.
Soos 'n klein, ronde klippie
in 'n yskoue stroom.
11
Dit was 'n koue, winderige nag
toe jy uitgestap het uit die kamer.
Jy het af teen vreemde trappe geloop
wat soos 'n spiraal wentel en daal
deur vlakke van die geheue
tot jy weer 'n klein dogtertjie was:
By jou ouma se huis
langs Mosselbaai se see
waar krismisrose in die nat lug
kleur uit die swart grond druk.
Toe was jy weer
in die arms van jou ma.
En kon jy sterf.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
